【澳洲】【二千幾蚊入住天台宿營車 你住唔住？】

宿營車喺香港並唔常見，頂多都係聽過塘福嘅宿營車，規模唔算大。而喺澳洲嘅墨爾本，就發大咗嚟做，吸引咗唔少走喺潮流尖端嘅人去試。呢個近期紅遍墨爾本嘅豪華宿營車叫「Notel 」，六間復古宿營車置放喺一棟兩層嘅停車場天台度，一晚大約要$2,300港幣，裡面有齊雙人床、浴室、廁所，重有埋iPad畀你玩，面積細細，設備尚算齊全，房價亦包埋享用宿營車酒吧，另加大約$260港幣，就可以享用埋戶外浴缸。雖然價錢有啲貴，但係香港好少見到有呢啲一應俱全嘅宿營車。若果到澳洲旅遊，不妨豪一次試一晚！