【瑞士】【貓出沒注意！行山蘯失路？黑白貓帶你走出路】

香港有唔少貓奴，貓貓除咗可愛純良之外，其實仲可以係你嘅救命恩人！點解我會咁講？相信唔少朋友都試過行山蘯失路啦，呢個時候冇信號，又冇人係身邊點算？靠貓貓就得啦！瑞士有一位匈牙利人，喺末冬個陣去咗勞德本納Lauterbrunnen，不幸地又壞火車，唯一嘅方法就係行落山搵間宿舍，但係行極都行唔到，地圖都幫唔到手，心慌慌嘅時候畀佢見到一隻黑白色紋嘅本土貓。呢隻貓仔好似識讀心術咁，知道匈牙利人搵緊路，便開始做匈牙利人嘅導遊貓，一路帶住迷失嘅朋友一路走，一路回頭望望佢有冇走失！匈牙利人將貓貓帶路嘅短片上傳到網上之後，就吸引咗好多人注意，其他人都有同樣經歷，就開始發掘貓貓嘅來頭，原來佢係附近宿舍飼養嘅貓貓，年中都唔知指引咗幾多迷路嘅途人。