紐西蘭有一種雀叫做「鴞鸚鵡」(Kakapo)，佢係一隻身型龐大嘅鸚鵡，為紐西蘭獨有嘅品種，喺人類出現之前已經生活喺紐西蘭，棲身於森林同高地之處，成年嘅身型可重2至4公斤，而且壽命可達60年，為最長壽雀鳥之一。不過由於一直生存喺紐西蘭，並冇任何天敵，令到雀翼退化，只識行走，又冇防身招數。呢種生物自從紐西蘭原居民毛里族人出現後開始被獵食，因為佢一身肥肉加上羽毛，可以提供毛利族人過冬之用。而衰在鴞鸚鵡唔單止冇防衛能力，連對人類嘅戒心都冇！加上紐西蘭人為咗減少野兔數目，仲引入咗大量雪貂同白貂等外來品種，亦連鴞鸚鵡都一同受害！久而久之，呢種原居民到目前為止存在數目只有不足120隻！好彩係依家已經受到紐西蘭政府保育，希望可以繼續繁殖下去！
Comments
Post a Comment