【瑞典】【野外生態小屋體驗原始人生活】

喺瑞典，有一個名為Kolarbyn嘅生態旅館，位處森林之中，呢度僅有12間小木屋，而且每個都分隔相當遠，入住的話被分配至其中一間小木屋，咪以為係北歐嗰種豪華木屋呀，只係得兩張鋪住羊毛皮嘅小床，另加一個火爐畀大家燒柴火取暖。話明生態木屋，當然要住客感受大自然啦，冇自來水、冇冷暖氣、冇電、冇網絡支援，唯一有提供係一啲意粉、薯仔等食材等你自己搞掂。要水，就自行行去湖邊打水，要火就自己去執樹枝柴火去起火，取暖同生火煮食。最最最令大家卻步，係連洗手間、浴室都冇，大家請自行解決。原來Kolarbyn喺瑞典好耐歷史嘅森林小屋，幾百年來原居民一直都喺呢個森林度過自給自足嘅生活。屋主Andreas Ahlsen都話呢12間小木屋係真係搵當地人幫手興建，確保無論外型同內籠都同傳統原居民住嘅一模一樣。

http://www.wildsweden.com/kolarbyn-ecolodge/