通常去沙灘，你都會想曬日光浴，但又想睇埋海邊夜景，特別多星星呀嘛！但一個沙灘又點可以玩咁耐？唔使擔心！「海灘睡籃」就一次過滿足哂你兩個願望！「海灘睡籃」Schlafstrandkörbe唔簡單啦，一睇個名就知係有張床喺海灘上面啦！體積大概係2.4米乘1.3米，可以容納兩個人，入面仲有床墊、床同枕頭，隔離有獨立嘅火炬畀你取暖同洗漱嘅地方，根本同小型酒店係冇分別！所以朝早你可以喺度曬日光浴休息，夜晚可以望住一遍夜景休息！係一件幾寫意嘅事呀，呢個發明拎咗「最佳旅遊創新獎」。最重要都係價錢啦，要享受咁好嘅風景，畀嘅價錢都唔算太貴，大約係350至1200港幣一晚，而且前一晚訂都得㗎！搵唔到地方住，係海灘留宿一晚都係一個新體驗！
Comments
Post a Comment