【丹麥】【超市專賣過期食物 旺到開第二間分店】

丹麥有一間超市，打正旗號話係賣過期食物，而且仲非常受歡迎，其門如市，最近仲啱啱開第二間分店。呢間名為Wefood 超市年初先喺哥本哈根開業，標榜以半價價錢，售賣過期食物，超市中食物都係從附近嘅生產商、當地超市收集番嚟，而且所得到嘅收益全數捐回慈善機構。Wefood 負責人叫大家放心，其實好多食物就算過咗期依然可以食用，而 Wefood 嘅職員都會先檢查，用眼、用鼻試下有冇變壞先。至於顧客，大部分都係學生、老人家同埋低收入人士：「與其因為過期而扔掉，不如平賣畀有需要人士，非常好！」目前超市非常受歡迎，每日都大排長龍，全部都係想買平嘢嘅市民。Wefood 仲啱啱決定會喺今年開第二間分店，希望大家繼續珍惜食物，唔好隨便浪費。