【瑞典】【全新樹屋酒店 大樹為床與星星同眠】

喺瑞典有一間 TreeHotel，興建喺樹林木中間，名符其實住喺樹入面啊。呢個咁新穎嘅設計，會令住客帶嚟難忘嘅體驗。喺離地面32英尺高嘅樹上面，每次可以容納六位客人，鍾意舒服嘅客人可以喺房間休息，如果鍾意挑戰嘅客人都可以選擇喺戶外休息，如果喺戶外嘅話，酒店將會喺露台幫你準備特別嘅床墊，你可以喺星光下好好休息。另外亦都有兩個浴室，完全夠晒用。喺呢間酒店嘅另一座建築物入面，有地道嘅桑拿，怕凍嘅你可以去暖身。進入呢座酒店嘅方法都好特別嘅，除咗可以行樓梯，仲可以選擇爬橋㗎。呢間咁特別嘅酒店係由國際建築師同設計公司 Snøhetta 設計，提供別緻風格嘅豪華服務，附近另外有一個外型似雀巢同UFO嘅酒店，同樣都係喺大樹上面，下次有機會去瑞典不妨考慮下。