最近六合夜市就發生一單呃旅客事件，話說台灣人陳先生去高雄旅遊，去到六合夜市品嘗當地特式名物「烏魚膘」，即係我哋講嘅「烏魚嘅精囊」，平時一碗大概應該200台幣以內，而埋單時，老闆竟然話要$1,680 ！而且老闆仲即時拎出價錢牌，的確寫住每碗1,680，聲稱明碼實價。陳先生感到不忿，即時投訴，結果警方到場調停，最後都要畀一半先解決事件。不過新聞傳出後，即時引起六合夜市其他商販不滿，認為欺騙人客會對六合夜市造成好大嘅負面影響，一粒老鼠屎搞壞一鍋粥，紛紛向夜市管理局投訴，而且呢間店原來並非第一次，早已有過2次大陸人客人嘅投訴！老闆就當然矢口否認，仲話自己嘅烏魚膘特別貴，係因為大份兼野生喎！
Comments
Post a Comment