菠蘿的海，唔好以為係歐洲個「波羅的海」手文之誤，因為今日介紹嘅係真真正正嘅菠蘿田！每年2月至4月都係菠蘿收成期，相信大家呢排都應該食唔少鮮甜菠蘿，但又有冇諗過菠蘿喺邊度嚟？原來近在咫尺間嘅廣東湛江除聞縣就有20萬畝菠蘿田，每年出產嘅菠蘿產量就佔咗全中國嘅一半！呢度自20年前開始就已經開始種植菠蘿，每年7至9月開始種植，2至4月就收成，收成期時就可以望到一望無際嘅「菠蘿的海」喇！自從旅遊天書《Lonely Planet》介紹過之後，引起大批遊客，據講有遊客試過誤闖入田，四周除咗菠蘿都仲係菠蘿，要成45分鐘先可搵到路出返嚟，可見菠蘿海有幾大幾誇張。其實除咗菠蘿之外，呢度亦有種甘蔗、花生等，不過始終都係菠蘿最香最甜。菠蘿亦會出口到中東同歐洲呢。菠蘿的海雖然年年大豐收，不過都試過滯銷，好似2016年就試過因為天氣影響，當年菠蘿數量雖然多，但甜度不足，令大量菠蘿無人問津，直至腐爛，好慘呀！
Comments
Post a Comment