泰國係港人嘅熱門旅遊勝地，胡慧冲 (Roger) 喺旅遊節目《冲遊泰國》會為大家帶嚟全新、實用嘅泰國旅遊資訊。Roger自言以往主持節目，最大特色係「主持不帥，沒有美女」，所以呢次搵嚟「冲女郎」冬蔭妹 (Phakkasupat Pecharawiwat Aomsin) 負責演繹出浴、嬉水、做Spa等場面外，對方更會教授正宗泰文，增添節目嘅教育意義。
摩天輪夜市位於 BTS Saphan Taksin站附近，遊客可從 BTS站乘坐的士，或搭乘免費專船或付費快船前往。夜市內食肆繁多，胡慧冲 (Roger) 先光顧「用手食」嘅海鮮餐廳，再到一間演奏同食物都帶 fusion 特色嘅 Cafe，最後仲品嚐多款榴槤甜品。昔日摩天輪夜市係一個貨倉，發展商接收土地後冇將貨倉拆走，而係將佢變成賣嘢嘅地方，從中可搵到唔少場內獨有嘅商品，例如店主自家設計嘅精品、全曼谷只此一間嘅「膠袋店」等。
Silom路係曼谷另一個重要嘅遊客區同商業區，可搭的士或喺 MRT Si Lom站同 BTS Sala Daeng站前往。Roger 推介區內有百年歷史嘅泰式河粉店，以店家秘製嘅腐乳辣醬蘸肉丸或下飯，倍添滋味。Silom路有無數價格相宜嘅按摩店，一間位於酒店之內嘅 Spa店相對較為豪華，裝修陳設用「天堂」做主題，畀客人一種寧靜、飄逸、禪嘅感覺。
曼谷有好多食泰菜嘅地方，但講到經常得獎，甚至連泰國旅遊局請客都會光顧嘅，就為數不多。Roger 走進五星酒店，喺一間充滿泰式風情，食品配搭同擺設都充滿心思嘅餐廳，享用食材同湯汁分開嘅冬陰功，混合兩款菜式嘅炸魚鬆拼冬陰蟹肉，燉咗72小時嘅泰式青咖喱牛肉等美食。
Silom區作為遊客區，有唔少酒店，當中最便利係距離 BTS站同 MRT站不過幾步、面對公園嘅五星酒店。酒店內有超過五百間客房，有九種類型，Roger 最愛有小型露台，穿過浴室、衣帽間就到客廳嘅房間種類。若想靠近 BTS Sala Daeng站，同價錢相宜，Roger 推薦高五樓，只有十間客房嘅酒店。酒店麻雀雖小，五臟俱全，其中面積最小嘅房間雖然冇窗同露台，但裝修充滿日本風情，最適合一人入住，感覺猶如置身東京。
摩天輪夜市位於 BTS Saphan Taksin站附近，遊客可從 BTS站乘坐的士，或搭乘免費專船或付費快船前往。夜市內食肆繁多，胡慧冲 (Roger) 先光顧「用手食」嘅海鮮餐廳，再到一間演奏同食物都帶 fusion 特色嘅 Cafe，最後仲品嚐多款榴槤甜品。昔日摩天輪夜市係一個貨倉，發展商接收土地後冇將貨倉拆走，而係將佢變成賣嘢嘅地方，從中可搵到唔少場內獨有嘅商品，例如店主自家設計嘅精品、全曼谷只此一間嘅「膠袋店」等。
Silom路係曼谷另一個重要嘅遊客區同商業區，可搭的士或喺 MRT Si Lom站同 BTS Sala Daeng站前往。Roger 推介區內有百年歷史嘅泰式河粉店，以店家秘製嘅腐乳辣醬蘸肉丸或下飯，倍添滋味。Silom路有無數價格相宜嘅按摩店，一間位於酒店之內嘅 Spa店相對較為豪華，裝修陳設用「天堂」做主題，畀客人一種寧靜、飄逸、禪嘅感覺。
曼谷有好多食泰菜嘅地方，但講到經常得獎，甚至連泰國旅遊局請客都會光顧嘅，就為數不多。Roger 走進五星酒店，喺一間充滿泰式風情，食品配搭同擺設都充滿心思嘅餐廳，享用食材同湯汁分開嘅冬陰功，混合兩款菜式嘅炸魚鬆拼冬陰蟹肉，燉咗72小時嘅泰式青咖喱牛肉等美食。
Silom區作為遊客區，有唔少酒店，當中最便利係距離 BTS站同 MRT站不過幾步、面對公園嘅五星酒店。酒店內有超過五百間客房，有九種類型，Roger 最愛有小型露台，穿過浴室、衣帽間就到客廳嘅房間種類。若想靠近 BTS Sala Daeng站，同價錢相宜，Roger 推薦高五樓，只有十間客房嘅酒店。酒店麻雀雖小，五臟俱全，其中面積最小嘅房間雖然冇窗同露台，但裝修充滿日本風情，最適合一人入住，感覺猶如置身東京。
Comments
Post a Comment