泰國係港人嘅熱門旅遊勝地，胡慧冲 (Roger) 喺旅遊節目《冲遊泰國》會為大家帶嚟全新、實用嘅泰國旅遊資訊。Roger自言以往主持節目，最大特色係「主持不帥，沒有美女」，所以呢次搵嚟「冲女郎」冬蔭妹 (Phakkasupat Pecharawiwat Aomsin) 負責演繹出浴、嬉水、做Spa等場面外，對方更會教授正宗泰文，增添節目嘅教育意義。
BTS Chong Nonsi站以商業區為主，自從幾間漂亮酒店進駐後，遊客增多。其中一間國際品牌酒店可謂與眾不同，喺酒店嘅唔同位置都可欣賞到外國藝術家繪畫嘅曼谷街頭畫作。BTS站旁有地道嘅「泰式自助餐」，約50泰銖就可喺有冷氣嘅環境下享用三餸熱飯，胡慧冲 (Roger) 點咗香葉肉碎、泰北酸腸同煎蛋，示範如點樣喺泰國「平平地，食餐好」。
喺 Chong Nonsi想住得豪華？區內一間英文字母酒店不論大堂、走廊、房間等，裝修陳設都以「潮」字行頭，好多明星、名人同名流入住。酒店前有一幢逾120年歷史嘅古蹟建築，昔日係舊酒店同俄羅斯領事館，依家租畀酒店做餐飲地帶，客人可以喺充滿殖民地色彩嘅環境下，悠然咁歎下午茶。
非一般嘅動物咖啡店雲集咗貓頭鷹、水母、狸貓、貓、魚、狐狸、豹貓、浣熊等動物，客人只要付出約200泰銖嘅入場費，就可點選同等價值嘅食物，同喺職員陪同下，近距離親親各種可愛動物。要是玩累了，Roger推介大家去 Chong Nonsi區內一間新開嘅SPA按摩店，裡面環境優雅，充滿泰國風情，為咗令顧客有帝皇式嘅感覺，店家特意安排一張金碧輝煌嘅「皇椅」，畀客人坐低洗腳。
香港嘅樓價全球名列前茅，曾有報道講一個約180呎嘅單位，售價約370多萬港幣，究竟呢個價錢喺曼谷可以買到點樣嘅樓房？Roger帶觀眾參觀一個樓盤，鄰近BTS站，有酒店大堂同小型 Infinite Pool泳池、圖書館等設施，住客可以瞓喺天台花園嘅貴妃椅上曬月光；一房約340呎，兩房約600呎，同樣有露台連家具裝修，售價分別約為150萬同255萬港幣。大家有冇心動，想搬到泰國同 Roger做鄰居？
BTS Chong Nonsi站以商業區為主，自從幾間漂亮酒店進駐後，遊客增多。其中一間國際品牌酒店可謂與眾不同，喺酒店嘅唔同位置都可欣賞到外國藝術家繪畫嘅曼谷街頭畫作。BTS站旁有地道嘅「泰式自助餐」，約50泰銖就可喺有冷氣嘅環境下享用三餸熱飯，胡慧冲 (Roger) 點咗香葉肉碎、泰北酸腸同煎蛋，示範如點樣喺泰國「平平地，食餐好」。
喺 Chong Nonsi想住得豪華？區內一間英文字母酒店不論大堂、走廊、房間等，裝修陳設都以「潮」字行頭，好多明星、名人同名流入住。酒店前有一幢逾120年歷史嘅古蹟建築，昔日係舊酒店同俄羅斯領事館，依家租畀酒店做餐飲地帶，客人可以喺充滿殖民地色彩嘅環境下，悠然咁歎下午茶。
非一般嘅動物咖啡店雲集咗貓頭鷹、水母、狸貓、貓、魚、狐狸、豹貓、浣熊等動物，客人只要付出約200泰銖嘅入場費，就可點選同等價值嘅食物，同喺職員陪同下，近距離親親各種可愛動物。要是玩累了，Roger推介大家去 Chong Nonsi區內一間新開嘅SPA按摩店，裡面環境優雅，充滿泰國風情，為咗令顧客有帝皇式嘅感覺，店家特意安排一張金碧輝煌嘅「皇椅」，畀客人坐低洗腳。
香港嘅樓價全球名列前茅，曾有報道講一個約180呎嘅單位，售價約370多萬港幣，究竟呢個價錢喺曼谷可以買到點樣嘅樓房？Roger帶觀眾參觀一個樓盤，鄰近BTS站，有酒店大堂同小型 Infinite Pool泳池、圖書館等設施，住客可以瞓喺天台花園嘅貴妃椅上曬月光；一房約340呎，兩房約600呎，同樣有露台連家具裝修，售價分別約為150萬同255萬港幣。大家有冇心動，想搬到泰國同 Roger做鄰居？
Comments
Post a Comment