泰國係港人嘅熱門旅遊勝地，胡慧冲 (Roger) 喺旅遊節目《冲遊泰國》會為大家帶嚟全新、實用嘅泰國旅遊資訊。Roger自言以往主持節目，最大特色係「主持不帥，沒有美女」，所以呢次搵嚟「冲女郎」冬蔭妹 (Phakkasupat Pecharawiwat Aomsin) 負責演繹出浴、嬉水、做Spa等場面外，對方更會教授正宗泰文，增添節目嘅教育意義。
曼谷嘅 Chit Lom區有一個曾係全泰國最大嘅商場，內有過千間商舖，而且不時舉辦大型活動。商場內有一個美食地帶，約有12間餐廳，胡慧冲 (Roger) 推介每日下午二至三時有一小時任食嘅生蠔店，同埋經常得獎、喺傳統泰菜加入新派創意嘅餐廳。另外，炒雪糕店亦十分有名，加入芒果肉同糯米飯嘅炒雪糕在全盛時期每日售逾百份。
由於商場太大，所以每層都有電動車服務接載客人到目標商舖，以免顧客太累，而商場內仲有溜冰場供人暢玩。Roger分享佢經常光顧嘅兩間店舖，一間係售賣香薰產品、設計以 Heavy Metal為主嘅「鐵竇」，另一間則出售 Spa產品，設計主打昔日情懷，仲有自家製飲品供應。商場門口有一個唔係太多遊客知道嘅「拜神位」，供奉祈求人緣同姻緣嘅愛神，同對從事娛樂、表演、創作嘅人士有幫助嘅象神。
BTS Chit Lom站嘅末端有另一個商場，設計以獨特同型格為主，由於人流較少，所以逛得較舒服。商場只有一間 Spa店，環境高檔，提供好多富創意嘅 Treatment，幾受香港人歡迎。若認為 Spa店嘅收費有啲「離地」，商場地庫有價錢合理嘅美食廣場，供應泰國唔同地區嘅菜式、街頭美食、素食、甜品等，食客購票後，侍應會將食物送到面前，服務周到。
曼谷嘅 Chit Lom區有一個曾係全泰國最大嘅商場，內有過千間商舖，而且不時舉辦大型活動。商場內有一個美食地帶，約有12間餐廳，胡慧冲 (Roger) 推介每日下午二至三時有一小時任食嘅生蠔店，同埋經常得獎、喺傳統泰菜加入新派創意嘅餐廳。另外，炒雪糕店亦十分有名，加入芒果肉同糯米飯嘅炒雪糕在全盛時期每日售逾百份。
由於商場太大，所以每層都有電動車服務接載客人到目標商舖，以免顧客太累，而商場內仲有溜冰場供人暢玩。Roger分享佢經常光顧嘅兩間店舖，一間係售賣香薰產品、設計以 Heavy Metal為主嘅「鐵竇」，另一間則出售 Spa產品，設計主打昔日情懷，仲有自家製飲品供應。商場門口有一個唔係太多遊客知道嘅「拜神位」，供奉祈求人緣同姻緣嘅愛神，同對從事娛樂、表演、創作嘅人士有幫助嘅象神。
BTS Chit Lom站嘅末端有另一個商場，設計以獨特同型格為主，由於人流較少，所以逛得較舒服。商場只有一間 Spa店，環境高檔，提供好多富創意嘅 Treatment，幾受香港人歡迎。若認為 Spa店嘅收費有啲「離地」，商場地庫有價錢合理嘅美食廣場，供應泰國唔同地區嘅菜式、街頭美食、素食、甜品等，食客購票後，侍應會將食物送到面前，服務周到。
Comments
Post a Comment