泰國係港人嘅熱門旅遊勝地，胡慧冲 (Roger) 喺旅遊節目《冲遊泰國》會為大家帶嚟全新、實用嘅泰國旅遊資訊。Roger自言以往主持節目，最大特色係「主持不帥，沒有美女」，所以呢次搵嚟「冲女郎」冬蔭妹 (Phakkasupat Pecharawiwat Aomsin) 負責演繹出浴、嬉水、做Spa等場面外，對方更會教授正宗泰文，增添節目嘅教育意義。
Chit Lom區面積大，胡慧冲 (Roger) 介紹區內一間裝修陳設雅致嘅小型酒店，地點便利之餘，附近仲有大型超市、百貨公司、水門雞飯，雲集香港人遊曼谷嘅重要元素。正所謂「入屋叫人，入廟拜神」，嚟到 Chit Lom，當然要拜四面神，Roger建議光顧明碼實價嘅店舖購買祭品，而當願望達成後要還神，最簡單係請人表演跳舞。去旅行，有人「瓹窿瓹罅」覓食，亦有人「唔近唔食」，BTS站鄰近有一間有40年歷史嘅正宗泰菜餐廳，唔少台灣網站都畀幾高評價，餐廳嘅咖喱炒蟹、炸蝦餅、菠蘿炒飯、蒸魚、芒果糯米飯，都係值得一試之選。
Chit Lom區作為重要嘅遊客區，自然有好多酒店，一間以豪華作賣點嘅服務式公寓酒店提供有一房同兩房單位，內有設備齊全嘅廚房、客飯廳，洗手間更有日式電子馬桶。酒店內，有一間喺泰國有好多分店嘅 Spa店，提供各式 Spa Treatment，另有大型游泳池、小童休憩空間、圖書館、放映室等設施，住客只要免費登記做會員，就可享用電動按摩椅同飲品小食等。
Roger仲推介一間百貨商場同酒店嘅天台餐廳酒吧，食肆喺下午四時營業，食客可以喺陽光普照嘅環境下飲嘢，欣賞風景。每日傍晚四時至六時，天台酒吧部分飲品同食品會「買一送一」；酒吧下面有 fine dining嘅天台餐廳，部分位置更可飽覽一望無際嘅曼谷美景。
Chit Lom區面積大，胡慧冲 (Roger) 介紹區內一間裝修陳設雅致嘅小型酒店，地點便利之餘，附近仲有大型超市、百貨公司、水門雞飯，雲集香港人遊曼谷嘅重要元素。正所謂「入屋叫人，入廟拜神」，嚟到 Chit Lom，當然要拜四面神，Roger建議光顧明碼實價嘅店舖購買祭品，而當願望達成後要還神，最簡單係請人表演跳舞。去旅行，有人「瓹窿瓹罅」覓食，亦有人「唔近唔食」，BTS站鄰近有一間有40年歷史嘅正宗泰菜餐廳，唔少台灣網站都畀幾高評價，餐廳嘅咖喱炒蟹、炸蝦餅、菠蘿炒飯、蒸魚、芒果糯米飯，都係值得一試之選。
Chit Lom區作為重要嘅遊客區，自然有好多酒店，一間以豪華作賣點嘅服務式公寓酒店提供有一房同兩房單位，內有設備齊全嘅廚房、客飯廳，洗手間更有日式電子馬桶。酒店內，有一間喺泰國有好多分店嘅 Spa店，提供各式 Spa Treatment，另有大型游泳池、小童休憩空間、圖書館、放映室等設施，住客只要免費登記做會員，就可享用電動按摩椅同飲品小食等。
Roger仲推介一間百貨商場同酒店嘅天台餐廳酒吧，食肆喺下午四時營業，食客可以喺陽光普照嘅環境下飲嘢，欣賞風景。每日傍晚四時至六時，天台酒吧部分飲品同食品會「買一送一」；酒吧下面有 fine dining嘅天台餐廳，部分位置更可飽覽一望無際嘅曼谷美景。
Comments
Post a Comment