【創意設計】【投影星戰夜空 BB-8 同 R2-D2 陪你瞓】


如果想喺屋企睇到星空其實唔難,只要買個日本Sega Toys所推出嘅家用星空投影機Homestar就得。當然廠方都明白淨睇星空可能會有啲悶,所以不時都會同其他名牌搞Crossover推出特別版家用星空投影機,最新搞作就係同Lucasfilm合作推出兩款特別版星球大戰Homestar星空投影機,相信星戰迷一睇見外形就好難忍得到手!有別於之前特別版Homestar星空投影機大多數係用球體外形設計,今次兩款星戰版星空投影機Homestar R2-D2同Homestar BB-8就真係用R2-D2同BB-8實物造型現身,而唔係喺球體機身上搽上對應顏色了事,就算日頭唔用時,擺喺客廳或睡房做擺設都一流。當然星戰星空投影機並唔係只得外形咁簡單,無論係BB-8或R2-D2投影機都會設有4款加入星戰場景四季東京夜空嘅投影內容,唔知各位星戰迷會因此發個好夢,抑或會顧住睇星戰星空而冇得瞓?兩款星戰版Homestar星空投影機都預計會喺7月27日推出,定價分別係6,980日圓。值得留意係當中R2-D2星空投影機曾於2011年推出,今次所推出嘅係升級版。






コメント