【中國】【萬斤巨型太極豆腐 萬人1小時食光】


內地道教聖地河南洛陽欒川老君山,前日舉行「仙境朝聖節」活動,30多名欒川豆腐製作師經兩日通宵達旦忙碌,趕製出一塊直徑8米、重達11,000多斤嘅太極八卦造型豆腐,喺1小時內即被萬名遊客免費分食一空。韓姓豆腐師話,佢家世代都係做豆腐嘅,自己從小就學做,已經做咗30多年。呢次接到做萬斤太極豆腐嘅任務,前前後後準備咗一星期,原料買咗6,000多斤,包括5,000多斤黃豆,製作過程需經泡豆、磨豆、濾渣、打漿、熬漿、點漿、定型、壓實等工序。然後喺現場建起9隻大鍋熬漿,30多人製作,整整煮咗兩日兩夜才完成。據講,每年農曆四月初一至五月底,老君山都會舉辦「仙境朝聖節」,而欒川豆腐好出名,仲用泉水泡豆,味道甜美,兩者結合,目的就係宣傳欒川嘅豆腐美食、弘揚道教文化。



コメント