【日本】【5月30日鬥快搶繙譯神器ili】

雖然話能夠喺0.2秒內將中文、英文譯成日文嘅繙譯神器ili已經喺4月底推出，但基本上當時只限日本外遊人士先有機會率先租用得到，一般遊客根本冇可能用得到。不過好消息終於來臨，官方正式宣佈會喺5月30日對外開放接受ili繙譯神器嘅預購申請，對象包括美國、加拿大、英國、澳洲、新加坡、中國同台灣，香港用家應包括喺中國之內，預購時仲可以得到免費送貨同早鳥優惠價，不過最關鍵係ili嘅價錢同正式送貨時間都要等5月30日先會公佈。今次預購活動只提供限量ili繙譯神器，想早訂早享受帶返日本旅行時用的話，就要記得日本時間5月30日0時0分 (即香港時間5月29日晚上11時)，入官網鬥快預購。

預購網址：https://iamili.com