【手工藝 DIY】【自製超任版 Nintendo Switch 無難度】


隨住《Mario Kart 8 Deluxe》推出之後,眼見身邊唔少朋友都已入手Nintendo Switch晚晚上網「鍊車」。如果想為自己部Nintendo Switch執靚啲的話,除咗可以學之前有位泰國用家自行噴油改裝成「馬沙版」之外,亦都可以買Switch機身專用貼紙為主機改裝。網上渠道如Amazon都有唔少Switch機身貼紙可以選擇,不過講到最有Heart就可睇下呢款由韓國POP Skin所推出嘅「超任版」Switch貼紙,用色造型都同超任好相似,至於價錢方面都唔算太貴,主機加上Joy-Con嘅「超任版」貼紙只係25,000韓圜 (約$172)、機座「超任版」貼紙賣20,000韓圜 (約$137),另外Joy-Con加上手把貼紙則要15,000韓圜 (約$103)。但當然要為機身同Joy-Con平滑地貼上貼紙都好講技巧,要好有心機慢慢黐先至唔會留低氣泡,但見製成品咁靚就真係抵返哂!




コメント

今週熱門文章