【日本】【日匠重現華失傳700年「碗中宇宙」】

瓷器中嘅瑰寶、有「碗中宇宙」之稱嘅「曜變天目釉」喺中國已經失傳咗700幾年，但據日本《朝日新聞》報道，日本匠人長江惣吉經22年潛心研究，成功重現到曜變天目嘅絢麗斑斕。近日，長江惣吉喺愛知縣瀨戶市舉辦「曜變」展覽，展現佢22年嚟嘅燒造成果。

世界有明確記載僅存嘅三件曜變天目盞都產自南宋期間，依家全部收藏喺日本，均被列為國寶。一隻頂級嘅天目盞，價值連城。當代日本、中國嘅陶瓷科學家、技藝師都想仿製，但最終因工藝難度太大，唔可以控制嘅因素太多，都未能取得滿意嘅結果。

長江惣吉出生於日本嘅燒窯世家，從江戶時代到依家已經係第9代傳人。佢喺1996年拜訪曾經復原出曜變釉嘅福建建窯，仲帶回一啲陶片。之後佢再28次訪問中國，帶回近80噸原料。長江惣吉通過研究，發現喺茶盞內壁嗰啲耀斑，唔係偶然燒製而成嘅，而係用咗一種名為「螢石」嘅礦石生成酸性氣體，從而產生咗化學反應。佢呢次展覽嘅30件作品，係1998年以後燒製嘅。但佢表示，目前嘅作品都只係入門階段，仲未及真正「曜變天目」茶盞嘅光彩奪目，將會繼續研究。