【攝影】【Printoss 唔使用電 手機相一鍵轉即影即有】


畀條題目考大家:想將手機內嘅數碼影像轉成即影即有實體相片,到底有咩方法?事實上,為手機加上即影即有相機機殼,又或者將手機內數碼影像轉存到數碼即影即有相機印相都係辦法,但成本唔低,嚟緊有件產品可以直接將手機內嘅數碼影像轉成即影即有實體相片,既唔使用墨盒印相,而且產品平到約$240就買得到,係唔係好期待呢?呢件產品名為Printoss,係由日本玩具生產商Takara Tomy出品,賣點係簡單易用,只要將開咗想印成相片數碼影像嘅手機放喺Printoss上方,襟個快門掣再攪幾下轉盤,就可以拍出一張實體相片,完全唔使用墨盒,甚至連電都唔需要,只需放入instax mini相紙就用得。Printoss仲可摺埋收藏,帶去旅行「印相」都好方便。最難得係Printoss定價只係3,480日圓,非常抵玩,不過廠方預計要到9月底先會正式推出,仲要有排等。




コメント