【食譜】【紅燒乳鴿|蒜心蘋果車厘子湯|椰青燉嫩雞】


鐵漢李家鼎 (鼎爺) 深藏不露,一手鬼斧神工嘅廚藝功架,教觀眾眼界大開!為咗滿足觀眾嘅「添食」要求,新一輯《阿爺廚房》載譽歸來。鼎爺再次施展廚藝「真功夫」,聯同食得嘴刁嘅「好拍檔」譚玉瑛 (阿譚),奉上傳統粵菜嘅美味。鼎爺同阿譚每集走訪街市、店舖實地選購心水食材,同即席分享揀選優質食材嘅「小貼士」。鼎爺繼而精心設計特色菜單,炮製各式各樣嘅湯水、小菜同甜品,將一道道幾近失傳嘅懷舊粵菜呈現觀眾眼前!

「紅燒乳鴿」香脆可口,係唔少人到中式酒樓食飯嘅必點佳餚。鼎爺細心示範繁複嘅烹調步驟,讓觀眾亦可嘗試喺屋企挑戰呢道廣東名菜。另外,鼎爺同阿譚到訪酒家品嚐地爐燒肉,仲會闖入廚房禁地,了解地爐燒肉嘅製作過程。

水果入饌既消暑氣,亦有益健康。鼎爺去果欄揀新鮮車厘子同椰青,仲帶嚟「一餸一湯」。「蒜心蘋果車厘子湯」清潤溫和,有去濕、清心火嘅功效;「椰青燉嫩雞」椰味香濃、雞肉嫩滑,令人胃口大開!





Comments