【食譜】【八寶冬瓜盅|夜香花炒蛋|錦繡涼拌】


鐵漢李家鼎 (鼎爺) 深藏不露,一手鬼斧神工嘅廚藝功架,教觀眾眼界大開!為咗滿足觀眾嘅「添食」要求,新一輯《阿爺廚房》載譽歸來。鼎爺再次施展廚藝「真功夫」,聯同食得嘴刁嘅「好拍檔」譚玉瑛 (阿譚),奉上傳統粵菜嘅美味。鼎爺同阿譚每集走訪街市、店舖實地選購心水食材,同即席分享揀選優質食材嘅「小貼士」。鼎爺繼而精心設計特色菜單,炮製各式各樣嘅湯水、小菜同甜品,將一道道幾近失傳嘅懷舊粵菜呈現觀眾眼前!

炎炎夏日,鼎爺依足古法配方,炮製消暑妙品「八寶冬瓜盅」,究竟乜嘢係「八寶」?佢仲再展巧手處理配料,將火鴨起肉、花蟹拆肉。此外,鼎爺物盡其用,利用煮冬瓜盅時剩下嘅夜香花,炒出清香嘅「夜香花炒蛋」。

鼎爺又點只帶嚟單單一道消暑佳餚?佢會用皮蛋、鯇魚等炮製「錦繡涼拌」,再搭配凍豆花品嚐,口感涼快。除咗分享挑選溏心皮蛋嘅心得,鼎爺仲教大家點樣減輕皮蛋嘅餲味。而佢自家製嘅切皮蛋工具,更令阿譚大開眼界!





Comments