【斐濟】【天堂級渡假勝地 科科莫島度假村】

好多人對於自己嘅婚禮都有一定嘅憧憬，有啲人可能渴望白雪婚禮，又有啲人渴望古堡童話式婚禮，亦都有啲人鍾意沙灘或草地上面嘅休閑婚禮，最近外國有對電視情侶Peter Stefanovic同Sylvia Jeffreys就選擇咗喺斐濟舉行佢哋嘅婚禮同渡蜜月，被網民喻為係星級度假勝地，想知有幾正，一齊去睇下啦。

「科科莫島度假村」有大約30個游泳池，四個海灘，一個網球場，同豪華嘅日間水療，而且仲有管家服務。

「科科莫島度假村」擁有21間私人住宅別墅，每晚價格從2000美元到18,000美元不等。

每間別墅都設有開放式休息室，酒吧同廚房，而且仲係用當地傳統茅草屋頂為設計，有齊私人甲板，無邊嘅泳池，房間同熱帶花園。

房間嘅牆壁裝飾由傳統作品同新作品組成，全部都係由悉尼畫家Christopher Kenyon進行裝飾，有品味，有格調。

鍾意水上運動嘅人一定會唔捨得呢度，事關無論係獨木舟、漁船、滑浪等等嘅活動全部都可以喺度做。

呢個度假村由擺設去到環境都極具熱帶島嶼嘅氣息。

「科科莫島度假村」嘅目標係喺斐濟創建最好嘅島嶼度假勝地，佢本身舒適又豪華嘅設備吸引到唔少名人追捧。