【摩洛哥】【1500名巧手工匠建造3年 皇家曼蘇爾馬拉喀什酒店】

摩洛哥現任國王穆罕默德六世搵嚟1500名巧手工匠，花咗3年多時間，建成咗集摩洛哥5000年歷史、建築、工藝、美學、數學、民俗於一身嘅「皇家曼蘇爾馬拉喀什酒店」。

「皇家曼蘇爾馬拉喀什酒店」位於馬拉喀什市中心，緊貼Medina古城而建 (因此佢有一部分圍牆就係古城牆)，步行至著名嘅La Koutoubia清真寺只需5分鐘，而距離YSL品牌創始人Yves Saint Laurent建造嘅藍色私人馬約爾花園也只有2公里。

「皇家曼蘇爾馬拉喀什酒店」佔地3.5公頃，不僅有53棟傳統民居別墅，更設有SPA水療、餐廳酒吧、室內外泳池、圖書館同種滿橙樹、檸檬、石榴、棕櫚樹，同埋鬱鬱蔥蔥橄欖林嘅北非花園。

大堂裡有2層樓高嘅摩洛哥本土鏤空銅燈同嚟自威尼斯嘅Murano水晶吊燈；仲有鍍上金箔嘅摩洛哥瓷磚同意大利大理石地板，再加上刺繡真絲塔夫綢幕簾同羽毛綁繩。

雪茄室嘅天頂用層層疊疊嘅珍珠母裝飾而成，紅棕色鏤空牆面用皮革手工打造，酒吧玻璃幕牆上嘅金色玫瑰藤，係用鏡像反繪技術 (Verre églomisé) 畫成。

只係盡情展示傳統手工藝，未免太「舊」， 皇家酒店當然要引進啲更「新」更現代嘅設施，比如大冷天都能安全下水嘅恆溫泳池；法國奢華男鞋J.M. Weston提供嘅擦鞋服務；各國王妃最愛嘅珠寶品牌Van Cleef Arpels帶嚟限量版珠寶賞鑒。

圖書館裡不僅藏有介紹摩洛哥歷史文化嘅書籍，藝術同設計類圖書都有唔少；而喺晴朗嘅夜晚，不妨讓侍應生打開可伸縮嘅圖書館天花板，借一支精良嘅銅質天文望遠鏡，眺望下非洲嘅繁星。

酒店別墅採用摩洛哥傳統Riad私人閣樓式樣，每棟別墅都有三層，一樓係帶噴泉有天井嘅安達盧西亞式庭院同起居室，最適合躲避中午炎熱嘅陽光，慵懶聊天或發獃。二樓係臥室同浴室；三樓係陽台都被充分利用，不僅有私人泳池，仲有舒適枱凳，隨便你喺度享用早餐都得，憑欄遠眺Koutoubia清真寺或白雪覆蓋嘅阿特拉斯山脈都好。

佔地4層共2500平米嘅SPA館用上鋪天蓋地嘅白色蕾絲，設計師用摩洛哥建築牆上最常見嘅繁複蕾絲花紋打造成夢幻空間。包括有摩洛哥傳統Hammam浴室，更提供風靡歐洲、傳說能治療脊柱不適嘅Balneotherapy浴療法同高科技抗衰老美容儀器。出咗浴室，仲可以喺SPA嘅休息室飲番杯摩洛哥薄荷錫蘭茶同食下點心。

穆罕默德六世似乎對巴黎Le Meurice有種特別嘅偏愛，所以將喺2007年幫助Le Meurice首獲米芝蓮三星嘅大廚、同時亦係全球最大奢侈品集團LVMH老闆最愛嘅廚師Yannick Alléno請咗過嚟，執掌「皇家曼蘇爾馬拉喀什酒店」嘅三間餐廳：有法國餐廳、北非創意混合菜嘅摩洛哥餐廳同一間可全天候供應美食嘅餐廳。