【中國 廣州】【從都國際莊園】

講起渡假勝地大家會諗起啲咩？東南亞式水療設施？定係豪華五星級自助餐？學某高官話齋，返內地浸溫泉，同去日本冇分別！咁一於去呢個從廣州一小時車程嘅一個五星級度假勝地，面積比摩納哥仲大，呢個超豪華嘅度假勝地曾經只係對中國高層政治精英所用，最近正式向公眾開放。

「從都國際莊園」位於風景如畫嘅從化地區，擁有天然泉水同綠地，係享受新鮮鄉村空氣嘅完美場所。酒店提供24小時管家服務，曾經照顧過前美國總統克林頓，前澳洲首相凱文邁克爾·路德等名人。酒店除咗有豪華嘅飲食，仲有好多你諗唔到嘅配套設施，例如有博物館，收藏咗大約有二萬件文物，仲有一個27洞嘅高爾夫球場配有蘇格蘭小屋俱樂部會所，卡拉OK、麻將枱緊係唔少得，當然亦有水療護理。酒店本身由37棟別墅同90間套房組成，每間都各有特色，套房更靠近餐廳同娛樂設施中心，每間別墅都有自己嘅溫泉，有高度嘅隱私。