主流教育制度被批評為追求分數，精英主義，要贏在起跑線家長學生都承受巨大壓力。近年，越嚟越多家長嘗試喺主流以外尋求另一條出路，令仔囡重拾學習興趣。
陳碧華發覺就讀小一嘅囡囡陳筠貽要滿分才感開心，學校亦都吩咐家長要安排學生去補習。陳碧華決定幫個囡轉校，接受華德福教育，畀佢慢慢學習，唔使急於追求速度。
芝麻從小一就開始考第一，承受巨大壓力而常身子不適，終於喺小五後轉讀自然學校。轉校後，學科程度降低咗，芝麻反而多咗時間跟同學相處，令佢有機會接納自己嘅個性，舒發壓抑已久嘅情緒，輕鬆咗好多。
彭加恩喺主流名校就讀小學，但成績一向包尾，失去自信，媽媽強迫佢去補習，卻傷咗母女情。舊年Kari毅然休學一年，參加愛童行學園嘅活動，突破固有嘅課程框框，深入社區學習，反而啟動到佢嘅學習動機。
另類教育嘅選擇越嚟越多，然而，關鍵係父母能否放下銜接主流學校升學嘅包袱，反省學習嘅意義。
陳碧華發覺就讀小一嘅囡囡陳筠貽要滿分才感開心，學校亦都吩咐家長要安排學生去補習。陳碧華決定幫個囡轉校，接受華德福教育，畀佢慢慢學習，唔使急於追求速度。
芝麻從小一就開始考第一，承受巨大壓力而常身子不適，終於喺小五後轉讀自然學校。轉校後，學科程度降低咗，芝麻反而多咗時間跟同學相處，令佢有機會接納自己嘅個性，舒發壓抑已久嘅情緒，輕鬆咗好多。
彭加恩喺主流名校就讀小學，但成績一向包尾，失去自信，媽媽強迫佢去補習，卻傷咗母女情。舊年Kari毅然休學一年，參加愛童行學園嘅活動，突破固有嘅課程框框，深入社區學習，反而啟動到佢嘅學習動機。
另類教育嘅選擇越嚟越多，然而，關鍵係父母能否放下銜接主流學校升學嘅包袱，反省學習嘅意義。
▼ 另一片天
Comments
Post a Comment