【意大利 威尼斯】【水都將浸沒 藝術雕塑話你知】

講起意大利大家都會諗起水都威尼斯，威尼斯嘅水鄉風情可以話係佢浪漫同寫意嘅來源，不過原來氣候變化嘅魔爪已經不知不覺伸出咗去水都喇，最近水都就岀咗一對手伸咗岀水面，仲捉住一棟建築物，大家見到係咪都嚇親呢？其實唔使驚，呢對手係一個藝術作品嚟嘅。係藝術家Lorenzo Quinn創作嘅雕塑作品，透過兩隻浮岀水面嘅手撐住建築。至於想講啲咩？咪就係人同大自然嘅關係好雙向，既可以係拯救，同時又可以係摧毀成個世界。藝術家希望透過呢個雕塑作品提醒大家應該要正視氣候變化，如果再唔好好保護地球，好似威尼斯呢啲咁靚嘅地方好快就會冇㗎喇。