Do姐鄭裕玲上輯帶藝人同事暢遊英、法、澳，大掃高級時裝、貴價食材、限量潮物，盡顯品味。今年《Do姐再Shopping》，好拍檔陸永、C君兩隻吊靴鬼，跟實Do姐四出購物，學做上等人。三位主持邀請黃翠如、馬國明、蕭正楠做旅伴，分別前往日本、丹麥、意大利逛名店，推介時尚高檔品牌；仲品嚐頂級名菜，遊覽歷史景點，從中感受當地濃厚嘅文化氣息。
香港街市林立，總有一個喺附近；哥本哈根人就要等到2011年，先「成功爭取」到一個食材巿集，而呢個全丹麥最大嘅街市依家成為觀光熱點，內裏應有盡有。四位主持先去試酒，Do姐細味威士忌同氈酒，一口就知杯中物非同凡響；美容店有款「BB味」海鹽，Do姐試用後隨即「返老還童」，「裕玲BB」美譽當之無愧。刀具舖嘅鎮店之寶全球僅得三把，C君見狀「食字」癮起，打算送一把方便易用嘅「刀」畀Do姐……
北歐服飾別樹一格，農夫同馬明造訪時裝店，各自為Do姐揀靚衫。馬明眼光獨到，以簡約印度風上衣呈現Do姐美態；農夫擺明搗蛋，竟然要求Do姐以「噴血裝」示人！丹麥人嗜酒如命，手工釀啤酒相當盛行。主持參觀前身為屠房嘅酒廠，品嚐川椒味、咖啡味嘅啤酒有乜特色。
香港街市林立，總有一個喺附近；哥本哈根人就要等到2011年，先「成功爭取」到一個食材巿集，而呢個全丹麥最大嘅街市依家成為觀光熱點，內裏應有盡有。四位主持先去試酒，Do姐細味威士忌同氈酒，一口就知杯中物非同凡響；美容店有款「BB味」海鹽，Do姐試用後隨即「返老還童」，「裕玲BB」美譽當之無愧。刀具舖嘅鎮店之寶全球僅得三把，C君見狀「食字」癮起，打算送一把方便易用嘅「刀」畀Do姐……
北歐服飾別樹一格，農夫同馬明造訪時裝店，各自為Do姐揀靚衫。馬明眼光獨到，以簡約印度風上衣呈現Do姐美態；農夫擺明搗蛋，竟然要求Do姐以「噴血裝」示人！丹麥人嗜酒如命，手工釀啤酒相當盛行。主持參觀前身為屠房嘅酒廠，品嚐川椒味、咖啡味嘅啤酒有乜特色。
▼ 丹麥街市遊樂團
Comments
Post a Comment