【RTHK】【消失中的禾花雀】

禾花雀，正名黄胸鵐，係一種以稻米同穀類種子為主要糧食嘅雀鳥，每年由西伯利亞嘅繁殖地遷徙至東南亞過冬。 呢種體型細小嘅候鳥，喺六十年代為本港常見鳥類，不過，由於被食客稱為 "天上人蔘"，濫捕獵殺嘅情況嚴重，加上棲息地破壞，黃胸鵐數量急跌，而攝製隊更發現喺廣東三水，仍然有餐廳非法售賣禾花雀，情況令人憂慮。

喺香港，有環保團體展開對禾花雀嘅保育工作，喺上水塱原濕地種植唔同類型嘅農作物以增加農耕濕地面積，其中最成功嘅項目係恢復種植水稻，令黃胸鵐同其他鵐科雀鳥嘅數量開始回升，致力將塱原成為黃胸鵐嘅綠洲，現時嘅進展如何呢？

本集訪問嘉賓包括香港觀鳥會、深圳市觀鳥協會同長春社，訴說出禾花雀消失嘅故事，如果人類真係因為對美食嘅追求而令野生雀鳥走上滅絕之路，情況值得社會深刻反思。

▼ 消失中的禾花雀