【手工藝 DIY】【運馬拖車改造成豪華房車】

英國手工藝人Dean Crago回收舊運馬拖車，將佢改造成豪華移動房屋，受到熱捧。據悉，Dean改造嘅係已使用30年之久嘅Mercedes運馬拖車，剛收到呢架車時，車內仲裝住肥料同乾草。經過6個月嘅大改造，車內裝咗家居設施，有自來水、電器同暖氣，甚至淋浴裝置同廚房。改造成本價係3萬至6萬英鎊不等。

Dean今年33歲，佢間公司叫House Box。佢曾經住過喺一架小巴裏，便產生咗建造奢華房車嘅想法，由於運馬拖車空間大，佢就採用運馬拖車進行改造。Dean為自己造咗一架後，覺得可能別人都會喜歡，就決定將改造運馬拖車作為全職工作，佢依家已改造咗七架喇。

佢話改造時，會先將原車嘅地板同所有裝置都拆掉，對整個空間進行重新設計。將車頂加高提升，以便安裝一張雙人睡床，車內只有150平方呎，所有家具都喺晒呢度。櫥櫃、工作枱、地板同牆面飾板都係由木卡板做成，貪佢夠薄身，以便節省空間、減輕重量。亦使用咗原木，車內感覺似間小木屋。而淋浴、洗手盆同廁所都係從車底嘅水缸取水，電力係由煤氣、太陽能板供給，仲有小壁爐供應暖氣。