【中國 西藏】【3個月全部景點免收門票，車費半價！】

布達拉宮外圍修建已經完工，非常養眼。

大家如果去過西藏，或者其他大陸熱門旅遊地點，都應該知所有景點都離唔開收門票，大嘅小嘅，新嘅舊嘅，總之就係要收錢。好似西藏，旅客必到嘅布達拉宮、大昭寺、納木措、甚至珠峰旅遊區等，都要收取多少門票。不過原來喺2月1日至4月30日期間，西藏全部景點都免收任何門費！而全部交通例如火車、巴士都只收半價！但係當然有原因啦，其實因西藏天氣冷，一向以嚟夏天先係熱門旅遊時間，但冬天就極為慘淡，因此希望以免收門票作為招徠，希望令更多旅客喺冬天前往。不過又坦白講，如果真係抵得冷嘅朋友，西藏嘅冬天真係另一番景象㗎，所有冰川湖泊都變成深藍色，雪山變回佢哋原本潔白無瑕嘅純白模樣，欣賞大自然風光固然有另一番美景；當然冬天嘅西藏亦唔會令大家有如去咗旺角一樣咁擁擠，人少都有人少嘅好。不如，大家都考慮一下，西藏嘅冬天，等緊大家！

林芝嘅冬天，連樹都成棵結冰。



納木措嘅冬天更見雪山同深藍湖泊。