【澳洲】【24小時開放無人書店，價錢自定由你拎】

書店開宗明義講明大家可以隨心畀錢，可以話非常破格。

無人超市好似成為唔少地方興起嘅店舖，話畀大家知當地嘅科技有幾發達；不過走向另一端嘅非常原始經營方式，一樣大受民眾歡迎，就係放晒喺度任你自行決定用幾多錢，仲要無人看管！呢間位於澳洲布里斯本嘅書店名為「Logical Unsanity」，24小時開放，當中冇任何店員！老闆係30歲嘅本地人Yarran，佢話自己由細到大就係鍾意書，而且開始收藏書，今次開咗呢間書店，係因為唔想落去打點，於是由佢24小時不間斷營業！而且店內每本書雖有標價，但亦講明顧客可以隨心畀錢；結果開業至今極受歡迎，Yarran話雖然都有人唔畀錢拎書走，但同時都有好多人願意支付比標價高嘅金錢買走本書，除笨有精都係有賺。不過Yarran原來並唔只做呢門生意，佢另一間店就正好相反，係專賣貴價而珍貴嘅舊書，不過就必須約佢打開倉庫，可以話兩間書店，各走極端！

書店入面都非常簡陋，所賣嘅舊書極多。



24小時不打烊，仲成為當地居民聚腳點！