【俄羅斯】【世界盃酒店價錢急漲劏客，仲貴過杜拜帆船酒店】

俄羅斯世界盃係2018年一大盛事，全球哄動。

俄羅斯世界盃正式進入開幕倒數階段，一眾球迷當然非常期待呢一個四年一度嘅足球最高盛會啦！每一屆世界盃嘅主辦國家都會吸引世界各地球迷前往，現場睇比賽，所以當地酒店價錢一定水漲船高。俄羅斯亦唔例外，而且有唔少仲開天殺價，叫價仲貴過杜拜帆船酒店？坐地起價係嚴重影響一個國家嘅聲譽，有見及此，俄羅斯旅遊局都急急出咗一份公開黑名單，列明邊啲酒店有坐地起價問題，而且嚴格規定每星級嘅酒店價錢，不能貴於某個定價。例如3星級酒店，每晚最多只能收200美元；而1星級酒店，則只能收38美元。但實際上係點？唔少記者都喺訂酒店網站搵過，好多酒店嘅價錢完全唔依政府規定，甚至超收成5,283%！大家如果今年去俄羅斯睇波，而又仲未訂酒店，真係自己小心喇，以免成為一大水魚！

唔少酒店坐地起價，比帆船酒店仲要貴！



俄羅斯政府為每星級酒店價錢下咗定價，
不過唔少酒店都唔理。