【馬爾代夫】【超豪度假村私人海底潛水之旅】

位於蘭達吉拉瓦魯島嘅馬爾代夫四季度假酒店最近為其客人推出咗當地觀賞珊瑚礁嘅私人潛水之旅。呢啲住喺超級豪華酒店嘅客人可以登上由DeepFlight建造嘅潛水艇"超級獵鷹3S"，然後潛到120英尺下，喺當地體驗海上生活。呢艘潛艇一次可接載兩位客人到Landaa Giraavaru周圍嘅水域，亦係聯合國教科文組織生物圈保護區嘅一部分。潛艇可以帶客人掠過珊瑚層，包圍喺鮮豔魚群中，會見到鯊魚、海龜同海豚，而且絕對唔會濕身。每次潛水會有工作人員進行導賞講述，向客人介紹水下生態系統嘅奇觀，兩人旅程只係1,500美元。呢艘3S潛艇係一架環保型電池驅動潛水艇，駕駛艙安全舒適。當架潛艇落咗水後，可透過圓頂以360度全方位觀賞海底世界。喺潛艇設計上亦考慮到要保護環境：電力同聲音嘅排放都達到最小化，以免擾亂海洋生物。