【奇聞趣事】【智慧型行李喼末日，航空公司係兇手】

Bluesmart係眾籌到起家，目前成功賣出6.5萬個喼。

唔知大家有冇留意，原來不知不覺間，連行李都開始電子化！不時見到有新聞指，最新嘅呢種智慧型行李喼，集幾十種功能，包括可以自動跟主人行走、內置GPRS、有USB差電、指紋解鎖等功能，睇落似乎又係一種興起之中嘅新科技，同大家嘅手提電話及各樣Gadget一樣，似乎係大勢所趨嘅新產品。不過目前最大嘅生產商，分別係Bluesmart、Raden都先後喺上個月倒閉，原因竟然係航空公司！上月美國幾間大航空公司忽然落Order，禁止唔拆得出鋰電池嘅裝置上機，不輪係寄艙定手提都好，只要鋰電池拆唔到出嚟，就一律唔畀登機。令到大量使用呢種喼嘅旅客措手不及，甚至好多旅客直接買新喼之後，將成個智慧型行李喼棄置喺機場就算。據講美國甚至已經聯絡全球嘅航空公司聯盟，全部一齊實施。兩大公司嘅網站隨即有大批留言，都係叫大家唔好買，因為上唔到機。兩大公司話會將目前開發出嘅技術賣畀另一間公司，希望可以研究出一種方法係可以拆出電池，睇嚟喺落實之前呢種喼都唔會再有人用喇。

多功能喼仲可以聽指令等，非常厲害。



每個喼當中都有鋰電池，不能上機。