【越南】【改種新品種咖啡豆，越南將變咖啡強國】

越南開始種植高質咖啡豆，希望可以打入上品市場。

講起咖啡豆，好多人可能即刻推薦巴西、加勒比海等地嘅咖啡豆，被視為咖啡界嘅上品，如果一講起越南咖啡，好多人嘅反應，應該只係諗起即溶三合一白咖啡；但原來越南係世界盛產咖啡豆第二大國家，僅次於巴西！不過一直以嚟，越南種植嘅咖啡豆名為「羅巴斯塔豆」，係一種於低地種植而口味較粗較苦嘅咖啡豆，所以一直打唔入上品咖啡豆嘅市場；而依家被視為第一等嘅咖啡豆就係「阿拉比卡豆」，但多數要喺高海拔地區種植。近年嚟越南其中一個咖啡豆種植區哥霍社區開始慢慢開發，將阿拉比卡豆混種喺本身嘅羅巴斯塔豆之中，希望可以改善當中嘅品質。據講依家已經有小成，該區嘅咖啡豆開始打入咖啡豆買賣市場，唔再直接被造成即沖咖啡；可能不久將來，市面就會有高級嘅越南咖啡豆賣喇！

一直以嚟越南都係出產即溶咖啡多。



越南咖啡豆係全球產量第二大嘅國家，僅次於巴西。