【奇聞趣事】【告別難食飛機餐？航空公司飛機餐大改革】

土耳其航空

喺短途國內航班上提供嘅食物，如香草橄欖油麵包、美食拼盤同沖泡茶，仲有烤羊肉串、karniyarik、manti同imambayild。而且航空公司仲話會關注食物嘅新鮮度同來源地，主菜推薦係烤羊肉串或免治肉釀茄子。甜點如傳統嘅土耳其軟糖或米布甸。

法國航空

法國航空一向出名重視食物質素，今次嘅升級大作戰更加邀請咗著名嘅大廚Jean Imbert合作，菜式包括有機藜麥、水波蛋同龍蒿嘅涼拌頭盤，熱食有燉菜同水果甜品。

達美航空

達美航空同健康食品品牌Luvo合作，製作重視營養同口味嘅飛機餐。飛機餐選材強調係健康跟季節性同非基因改造嘅素食，菜式有火雞肉三文治、水果芝士拼盤，唔單至咁，就連需要非麩質同糖尿病患者嘅食譜都一應俱全，一共有17種唔同嘅特殊餐供應，貼心度無得彈。

瑞士航空

有六款菜式選擇，「早午餐」有水果果仁麥片、水果沙律配純味乳酪、精選瑞士芝士凍肉拼盤；「美食餐」頭盤有醃製三文魚柳配他他醬、茴香沙律、雞蛋配法式醬汁；主菜有煎牛柳配红酒汁、法式焗薯批、時令蔬菜、牛油麵包，甜點係黑朱古力蛋糕。佢哋仲提供由蘇黎世素食餐廳Hiltl特别設計嘅幾款菜式，包括有泰式蔬菜咖哩。

新加坡航空

新加坡航空嘅排名一直都十分之唔錯，今次嘅飛機餐改革等乘客可以喺六款選擇中揀啱自己心水嘅食物。菜式包括香煎魚意大利麵配青檸醬、奶油咖喱雞、蔬菜、海鮮番紅花飯、羊脾飯、奶油蘑菇烤雞腿，魚柳配黑豆醬、牛肉濃湯、薯蓉同烤蔬菜。