山西著名景點之一，位於運城嘅鹽湖，有「中國死海」之稱，形成至今有成5,000年歷史，浮力驚人，比正常海水高出3成，遊客可以於湖上浮沉！鹽湖縱橫阡陌，由東北一直伸廷至西南方，全長30公里，闊5千米，最深處可達6米深！不過6月尾時，鹽湖大部分面積突然變色，由原本普通海水色變成七彩色，有紅、綠、藍、黃、白等，官方就指係因為今年山西氣溫特別熱特別乾，高達37度以上，導致鹽湖乾涸而當中嘅化學物例如鉛、汞等出現變質；而且高溫令礦物質蒸發，令湖中如綠藻等有機生機變得非常活躍，引致湖面變色。但似乎好多網民就有唔同意見，話係因為污染所致，仲叫遊客唔好再落水搵命搏！今次真係羅生門，唔知邊個啱。不過唔落水的活，只從視覺觀賞角度出發，又的確比平時多一番味道嘅！
Comments
Post a Comment