【美國】【五星級豪華臥艙巴士】

一間位於美國加州嘅初創公司正徹底改變傳統嘅巴士旅行方式，佢哋改裝雙層巴士，提供喺三藩市與洛杉磯兩個樞紐之間嘅夜行臥艙巴士服務。路程650公里，8個小時，單程票價115美元，旅客喺旅程中能享有如酒店般嘅服務，五星級酒店嘅床位及豪華設施。

臥艙巴士喺晚上11點從三藩市或洛杉磯出發，並喺早上7點到達目的地。一路上，乘客可以自由使用私人臥艙，艙內有窗口、窗簾、閱讀燈，甚至插座等小物件都配備齊全。巴士艙內除咗有24間臥艙，仲有設計時尚嘅休息區、公共浴室設施以及WIFI無線網絡。不僅如此，整架臥艙巴士就似一間真正嘅實體酒店，身體疲憊嘅旅客可以選擇延遲退房，繼續留喺巴士度瞓，直到早上9點。每間臥艙內配備有襪子、水樽、耳塞同保健飲品。此外，每架巴士上都有一名專業嘅服務員，就似飛機上嘅空姐/空少一樣，喺旅程中為所有客人提供服務。

公司共同創辦人及行政總裁Tom Currier表示，佢嘅構想係將臥艙巴士變成商務頭等嘅飛機艙一樣，所以佢更傾向稱之為 "流動酒店"。通過呢種方式打發行程時間，臥艙巴士讓人們能夠更自由咁計劃自己嘅行程，而不必花費寶貴嘅時間喺交通上。

遲啲會新增開往紐約同波士頓嘅線路，另外，仲有哈利波特主題嘅夜行臥艙巴士即將登場。