【意大利】【威尼斯擬禁遊客坐臥地上，違規者最高被罰500歐元】

市政近排發起「文明遊威尼斯」運動，
打擊唔受歡迎嘅「粗魯」旅客。

意大利威尼斯係一個著名嘅旅遊城市，據統計平均每日有6萬名遊客到訪，有時遊客數量甚至超過當地居民嘅數量，嚴重影響當地人嘅正常生活。遊客太多導致好多問題，如環境污染、市容市貌受損等問題。所以當其他城市正絞盡腦汁吸引遊客嘅時候，威尼斯卻使出一切手段嚟趕走遊客。而最近當地市長 Luigi Brugnaro 就提出立法禁止人們喺地上坐臥，違者會被罰款50至500歐元 (約458至4584港元)。市內聖馬可廣場周圍嘅紀念碑台階同門廊早已禁止坐臥，而當地政府亦有喺遠離旅遊熱點嘅地方劃有野餐同坐下嘅範圍，不過就好少人注意到。新法案若通過的話，最快就會喺今年10月生效，但卻惹嚟唔少反對聲音，一個居民組織嘅負責人 Marco Gasparinetti 話當局若要有效執法，就需要增聘5000人。可見當地居民雖然深受遊客過多之苦，卻也不大滿意當局嘅做法。

聖馬可廣場等主要景點早已實施「禁坐令」，
如果提案獲通過，將擴展至全市。



當地市長提出禁止遊客喺公眾地方亂坐喺地上，
亦出現係咪管得太多嘅爭議。