【美國】【世界最大飛機製造廠】

全球最大飛機製造廠位於美國西雅圖，亦係波音飛機嘅故鄉，波音艾弗雷特工廠建於1967年，係為咗生產超大型嘅波音747客機而建造，工廠佔地面積超過100英畝，相等於50個足球場，比起迪士尼樂園或法國凡爾賽宮仲要大。波音公司每月生產飛機50架以上，包括世界頂級嘅波音787夢幻客機同波音747-8型客機。依家有3萬名員工喺呢度工作，工廠實在太大，員工們各種交通工具齊上陣，配備2000架電動攝位車，2000架三輪車同埋2000架人力車。呢度係波音飛機嘅驕傲，呢間飛機製造廠幾乎相當於一個鎮嘅大小，各種配套設施亦係令人難以置信。工廠設有自己嘅消防隊、警察部隊/警犬、乾洗服務，洗衣房，健身房同駐場醫生。波音飛機製造廠每年會接待數十萬名遊客，包括各大公司嘅領導同一啲政要人員。呢度嘅保安十分嚴苛，參觀工廠要接受嚴格嘅安檢，亦唔可以隨便影相同閒逛，會時刻有人盯住你嘅各種舉動，去廁所都要受到監視。