【奧地利】【維也納動物園熊貓，識畫山水畫成人氣明星】

陽陽成為世上第一隻識畫畫嘅大熊貓，好叻叻！

大家印象之中嘅熊貓都係懶洋洋，攤喺度食竹，嘆冷氣，好悠閒哩？今次介紹畀大家認識呢隻位於奧地利維也納美泉宮動物園 (Schoenbrunn Zoo) 嘅熊貓陽陽，就有一樣技能，令佢火速爆紅成為動物園人氣明星！陽陽呢項特技就係識得用毛筆畫山水畫！動物園人員向佢提供一支專用毛筆，係用竹造成，陽陽就會自動喺畫紙上畫出一張張好有意境嘅山水潑墨畫，不過當然要一邊有零食做獎勵啦。動物園亦唔浪費陽陽啲大作，會放上網上售賣，每張490歐羅，限量只有100張。而所有收入都會撥入動物園救護動物基金。陽陽其實已經18歲，2003年喺中國大陸運過嚟維也納定居。近年先突然學識呢個絕技，開頭動物園仲怕佢會當毛筆係竹咁食，所以先搵真嘅竹去造一支大毛筆；不過陽陽似乎識得分別，一揸起支筆就識畫畫，好醒目！

陽陽嘅大作會放上網上售賣，每張490歐羅，限量只有100張。



陽陽已經18歲，仲生咗兩隻BB熊貓。