【越南】【食柯南落肚？便利店推出柯南包】

越南Family Mart入面售賣柯南包，好得意呀！

日本動畫柯南係唔少朋友仔嘅童年回憶，甚至間中有推出電影版大家都會去捧場！不過講起夠爆，都唔夠越南Family Mart推出呢個柯南頭包勁！由於電影版《名偵探柯南：零的執行者》喺越南上畫，電影公司為咗宣傳，同Family Mart合作推出呢個柯南包，仲隨機送一款柯南書簽，每個只賣約5蚊港紙！柯南包製作極為精美，像真度可以話係100%，從頭髮、眼鏡至五官都係同動畫一樣。最好笑係入到便利店，好似香港一樣，所有蒸包都喺晒個蒸箱入面，所以大家會見到無數個「柯南」困喺箱之中，真係又驚又好笑。講起柯南，今年已經係柯南誕生22周年，喺本土日本當然都有唔少活動，例如東京新宿就有Pop-Up「密室逃脫」柯南版，大家可以真正代入柯南嘅世界，睇下點樣可以脫離險境呢！

從頭髮、眼鏡至五官都係同動畫一樣。



配合電影版上畫嘅宣傳，可能好快就冇㗎喇！