【美國】【主題樂園玩瞓棺材，瞓足30小時可帶走300美元】

如果叫你訓棺材30個鐘挑戰膽量你又肯唔肯？美國密蘇里州聖路易市 (St. Louis) 一座主題樂園「Six Flags」為慶祝萬聖節活動Fright Fest成立30週年，舉行一個驚險刺激嘅慶祝活動，參加者必須喺棺材裡生活30小時，成功者即可獲得300元美元同2張2019年金卡季票，同埋2吋x9吋嘅手工雕刻棺木。

棺材挑戰從13日下午1時開始，挑戰者必須喺棺材中瞓30小時，直到14日晚上7點結束。過程中可以享用園方提供嘅免費餐飲同零食，每小時可以去洗手間１次，限時6分鐘，甚至可以玩手機，唯一擔心係「Fright Fest Freaks」嘅嘩鬼會隨時出現，務求嚇走參賽者。

活動期間參賽者可以有一位親友陪伴，但遊樂園營業時間結束後必須離開。參賽者需要獨自面對一眾嘩鬼。一旦違反以上任何規則都算失敗。喺眾多參加者中，只有6名成功堅持到最後，並贏得獎金獎品。