【意大利】【地底掘出大批古羅馬金幣，值數百萬歐羅】

嚟自公元5世紀嘅古羅馬金幣！

睇戲或者睇書都成日聽，古代嘅人最鍾意就係金幣，甚至傳說之中所有寶藏嘅共通點就係「好多金幣」，而傳說中嘅飛龍，亦都係最愛金幣。的確古代嘅金幣有一種獨特魅力，現代亦有唔少收藏家專門收集古代金幣，視之如珍寶！近日意大利米蘭附近，一座建於19世紀嘅大劇院，因為要清拆改建成豪宅，動工時工人竟然意外發現地底下有一個埋藏嘅地窖，打開入去一睇，原來係一個地下石室，當中最令人驚嘆就係一批非常完整嘅古代金幣！考古學家相信，呢一批係嚟自公元5世紀嘅金幣，係當時西羅馬帝國時期。考古學家相信金幣係當時富戶所擁有，並儲存喺屋企嘅地下石室之中。今次大發現最重要係當中金幣圖案保存清楚，並未受太大損毀，對了解當時嘅社會文化非常有幫助！據估計，價值數百萬歐羅！

一直藏喺地底石室之中，保存極為良好。



金幣可以有助了解當時嘅社會文化同環境。