【德國】【全球首用氫氣火車零排放】

氫氣列車會喺德國北部4個城市中運行。

世界各國都講求環保，點樣利用新科技減排節能。近日德國就首先推出全球首輛氫氣列車！呢輛氫氣列車由法國著名火車製造商TGV製造，為一列兩卡全藍色列車，行駛路線將喺北部4個城市共100公里之間穿梭，取代原有嘅柴油列車。氫氣火車係全球首次正式使用喺載客火車之上，每次入氫氣可以運行約1,000公里，全程零排放，唔會製造任何廢氣。呢輛列車時速最高為140公里，同一般柴油車冇分別。今次咁突破嘅發展，令全球都引頸以待，希望可以解決火車排污問題。TGV更已經密鑼緊鼓，準備製造列車推出至英國、荷蘭、加拿大、挪威、丹麥、意大利等國家，另外有唔少國家都表示相當有興趣，希望可以全面取代現有火車咁話。

最高時速為140公里，唔比一般火車慢。



其實唔少地方都用緊氫氣嘅電車，例如蘇格蘭。