【意大利】【羅馬市內人工沙灘成個夏天冇水】

因為台伯河太污糟，沙灘因此冇水提供。

歐洲唔少城市都有市內人工沙灘，喺水邊舖上沙，加上太陽傘沙灘椅之後就可以舒舒服服咁坐低曬太陽，之後去游個水咁，好似柏林、哥本哈根等地都有。喺羅馬一樣有呢種市區沙灘，地點位於意大利名河台伯河之旁，同樣有齊沙灘椅太陽傘，唯一一樣問題就係，冇水呀！話說今年夏季完結，成個沙灘都冇一日係有水供應，民眾曬完太陽好多時係要浸喺大會提供嘅水桶之中！至於原因，原來係因為水污染！根據意大利環保組織所講，仍然有大量工廠非法排出污水去台伯河，水質備受污染後根本唔適宜游水，於是成個沙灘都唔敢用河入面嘅水。有唔少羅馬人話覺得沙灘冇水簡直係笑話，係一種恥辱，大家嘅茅頭都直指市政府執法不力，對市長表示極大不滿。有當地媒體話，市長Virginia Raggi好可能下屆選舉會落台，原因就係因為呢一個沙灘！

由於冇水，沙灘整個夏天場面冷清。



唔少羅馬人話覺得沙灘冇水簡直係笑話。