【創意設計】【澳洲推出智能垃圾桶】

呢個智能垃圾桶用上鮮紅同鮮黃色，好搶眼呢！

世界各地都推智能化，表示要成為科技城市；正當香港嘅創科局拎咗幾百億仲係研究緊整Wi-Fi之時，各地城市都有唔少新科技推出。好似澳洲塔斯曼尼亞就將推出智能垃圾桶！呢個智能垃圾桶名為「Smart Bin」，並用上鮮紅同鮮黃色設計非常搶眼。呢個智能垃圾桶有咩咁勁呢？原來佢內置感應器，可以自動感應到垃圾桶有幾滿，當垃圾桶滿載之時，就會有燈閃爍，等途人知道就會唔使白行一趟；另外感應器知道垃圾桶滿咗之後就會通知有關政府部門，隨即派人前來清理；而每部垃圾桶本身亦係一個Wi-Fi站，提供無線上網。每一個智能垃圾桶都要用成200澳元 (1,100港元) 成本，目前會先推出10至20個，並希望推行至全國。

而每個垃圾桶本身亦係一個Wi-Fi站，提供無線上網。



每一個智能垃圾桶都要用成200澳元 (1,100港元) 成本。