【荷蘭】【全球首條塑膠單車徑正式啟用】

荷蘭人出門愛踩單車，全國約1,700萬人，卻擁有超過2,200萬架單車，淨係阿姆斯特丹就鋪設咗近800公里嘅單車車道，而當地東北部城鎮茲沃勒 (Zwolle) 又正式開放一條全由回收塑膠再製生成嘅單車徑，希望能減少每年製造嘅數百萬噸塑膠垃圾，將回收塑膠廢棄物製成永續不過時嘅道路。呢條30米長嘅單車徑由超過21.8萬個回收塑膠樽製成，預計比一般傳統車道耐用三倍。呢條車道內亦裝有感應器，可監測道路性能，包括溫度、處理運輸嘅能力等。據估計，而第二條塑膠單車車道預計喺11月喺荷蘭上愛塞省嘅羊角村登場。另外，由於邊踩單車邊用手機引發越嚟越多交通事故，荷蘭政府亦著手立法，禁止踩單車時使用手機，法例預計最快喺2019年7月1日起實施。