【建築設計】【挪威水底餐廳「Under」】

人類對於海就係有一種迷戀，甚至乎想喺海底下面食飯。大家可能都知香港有主題樂園嘅水族館有餐廳，甚至馬爾代夫都有水底餐廳，令大家都愛不釋手。喺挪威沿海城市Lindesnes嘅海邊會開業全歐洲第一間、亦係全球最大嘅水底餐廳「Under」，Under由著名建築公司Snohetta設計，位於5公尺海底，客人要由海邊一條木製通道慢慢行落去，入面嘅天花同牆身都以海藻作為裝飾，全店用藍、綠兩色作為主調，今人尤如置身海洋之中。餐廳有一個長11公尺、闊4公尺巨型玻璃，可以畀食客睇住個海進餐。Under可以容納百多人，係全球最大海底餐廳，同時佢會帶有學術研究成分，有研究中心保育海洋生物，絕唔會破壞海洋環境呢。