【手工藝 DIY】【全球最強飛機迷，捐出2,300架飛機模型】

愛爾蘭呢一位號稱全球最強嘅飛機模型迷Michael Kelly。

好多人好鍾愛飛機，唔單止會去機場睇飛機升降、聽飛機引擎聲、拍攝飛機型號，仲有唔少喜歡儲飛機模型。愛爾蘭呢一位號稱全球最強嘅飛機模型迷Michael Kelly，今年67歲嘅佢自孩童時期已經好鍾意飛機，當年佢屋企位於Shannon機場附近，喺飛機降落嘅航線下面，因此每日有好多飛機喺頭頂飛過。Michael唔單止唔覺得嘈，反而話飛機聲好好聽，於是會叫父母不時帶佢去機場睇飛機、聽飛機，自此迷上飛機。幾十年嚟Michael喺世界各地都搜集好多飛機模型，唔同型號、唔同規格、唔同航空公司，每年用成1萬英磅，共收集咗2,300多架飛機模型。不過最偉大嘅係，Michael趁Shannon機場啱啱開新航廈，決定捐出佢全部珍藏，放喺航廈之中作展示之用。由於佢收藏幾十年，可以話見證飛機進化史同發展史，可以話係等於一個飛機博物館嘅作用。Michael絕對係為飛機而活，甚至貢獻全部都在所不計。

每年用成1萬英磅，共收集咗2,300多架飛機模型。



全屋共有23,000架模型飛機。